76 મા સ્વાતંત્ર્ય દિનની ઉજવણી...

August 14, 2022

ઉમરેઠની જૂની અને જાણિતી શૈક્ષણિક સંસ્થા ધી જ્યુબિલી ઇન્સ્ટીટયુશનના પટાંગણમાં તારીખ ૧૫.૮.૨૦૨૨ ના રોજ આઝાદી કા અમૃત મહોત્સવ અંતર્ગત સ્વતંત્રતા દિવસની ઉજવણીના ભાગ રૂપે દેશનો 76 મો સ્વતંત્રતા દિવસ ઉજવવામાં આવ્યો હતો. ધી જ્યુબિલી ઈન્સ્ટીટયુશન ટ્રસ્ટની બાલ મંદિરથી માંડીને બાર સાયન્સ સુધીની તમામ શાળાઓના તમામ શિક્ષકો તેમજ તમામ સ્ટાફ અને કર્મચારીઓ શાળાના વિશાળ મેદાનમાં ઉપસ્થિત રહ્યા હતાં. આ કાર્યક્રમમાં મુખ્ય મહેમાન તરીકે ધી જ્યુબિલી ઈન્સ્ટિટ્યુુશન ટ્રસ્ટ સંચાલિત ધી જ્યુબિલી ઈન્સ્ટિટ્યુશન (બોયઝ્ હાઈસ્કૂલ) ના માધ્યમિક વિભાગમાંથી નિવૃત્ત થતાં શિક્ષક અને શાળામાં સુપરવાઈઝર કક્ષાની ભૂમિકા ભજવનાર શ્રી બળવંતસિંહ આર.બામણિયા, અતિથિ વિશેષ તરીકે ટ્રસ્ટના ચેરમેનશ્રી દીપકભાઈ દવે તથા ટ્રસ્ટી શ્રી આશિષભાઈ કાંટાવાલા ઉપસ્થિત રહ્યાં હતાં. ધી જ્યુબિલી ઇન્સ્ટીટયુશન ટ્રસ્ટના ચેરમેનશ્રી દીપકભાઈ દવેએ સમારંભના અતિથિ વિશેષ તરીકે ખાસ ઉપસ્થિત રહીને સૌને પ્રોત્સાહિત કર્યા હતાં. નિશ્ચિત કરેલાં સમય અને કાર્ય સુચિ પ્રમાણે ધ્વજ ફરકાવીને રાષ્ટ્રઘ્વજને આન બાન અને શાનથી સલામી આપવામાં આવી હતી.

ગર્લ્સ ઈન્સ્ટિટ્યુશન વિભાગની વિદ્યાર્થિની બહેનો દ્ધારા પ્રાર્થના કરાવવામાં આવી હતી. બાદમાં ગર્લ્સ ઈન્સ્ટિટ્યુશનની બહેનોએ એક સરસ સ્વાગત ગીત રજૂ કર્યું હતું. ત્યારબાદ સ્ટેજ પર બિરાજમાન મહાનુભાવોનું શાબ્દિક સ્વાગત તથા પરિચય જ્યુબિલી ઈન્સ્ટિટ્યુટશનના આચાર્ય શ્રી જયંતીભાઈ આઈ.પરમારે કરાવ્યા હતાં. મંચ પર બિરાજમાન મહાનુભાવો પૈકી મુખ્ય મહેમાન શ્રી બી.આર.બામણિયા સાહેબનું શ્રી દીપકભાઈ દવેએ, ચેરમેનશ્રી તથા અતિથિ વિશેષ શ્રી દીપકભાઈ દવે સાહેબનું ધી જ્યુબિલી ઈન્સ્ટિટ્યુટશનના આચાર્યશ્રી જે.આઈ.પરમારે, ટ્રસ્ટી શ્રી આશિષભાઈ કાંટાવાલાનું ધી જ્યુબિલી ઈન્સ્ટિટ્યુશન 1 થી 4 ના આચાર્યશ્રી હિરેનભાઈ શાહે, ગર્લ્સ ઈન્સ્ટિટ્યુશનના આચાર્યા શ્રીમતી ગીતાબેન પરમારનું શ્રીમતી જયાબેન પટેલે અને ધી જ્યુબિલી ઈન્સ્ટિટ્યુટશનના આચાર્યશ્રી જયંતીભાઈ આઈ.પરમારનું ધી જ્યુબિલી ઈન્સ્ટિટ્યુટશન 5 થી 8ના આચાર્યશ્રી ઘનશ્યામભાઈ રાણા દ્રારા પુષ્પગુચ્છથી સ્વાગત અને સન્માન કરવામાં આવ્યું હતું.

બાદમાં ધી ગર્લ્સ ઈન્સ્ટિટ્યુટશનના માધ્યમિક વિભાગના વ્યાયામ શિક્ષક શ્રી દક્ષેશભાઈ એમ. પટેલ અને ધી જ્યુબિલી ઈન્સ્ટિટ્યુશન (બોયઝ હાઈસ્કૂલ) ના વ્યાયામ શિક્ષકોની રાહબરી,આયોજન અને સૂચનો મુજબ ધી જ્યુબિલી ઈન્સ્ટીટયુશનના પ્રાંગણમાં આમંત્રિત મુખ્ય મહેમાન શ્રી બી.આર.બામણિયાના હસ્તે ભારતના ગૌરવવંતા ધ્વજને ફરકાવવામાં આવ્યો હતો. ઉપસ્થિત સૌએ રાષ્ટ્ર ધ્વજને સલામી આપી હતી અને ધી ગર્લ્સ ઈન્સ્ટિટ્યુશનની વિધાર્થિની બહેનોએ ઝંડા ગીત ગાયું હતું.

બાદમાં પ્રસંગોચિત પ્રવચનમાં મુખ્ય મહેમાન શ્રી બી.આર.બામણિયાએ વિદ્યાર્થીઓને દેશ ભકિત ફક્ત 15 મી ઓગસ્ટ પૂરતી સીમિત ના રાખતાં, સાલભર જીવંત રાખીને તથા હર ઘર તિરંગા નહીં પણ હર દિલ અને હર દિલ દિમાગ તિરંગા ફરકાવીને પણ દેશ ભકિત દર્શાવી શકાય એવી શીખ અને પ્રેરણા આપી હતી.

અંતમાં ગર્લ્સ ઈન્સ્ટિટ્યુટશનના આચાર્યા શ્રીમતી ગીતાબેન કે પરમારે આભાર વિધી કરી હતી.

સમગ્ર કાર્યક્રમનું સફળ સંચાલન ગર્લ્સ ઈન્સ્ટિટ્યુટશનના ઉચ્ચતર માધ્યમિક વિભાગના શિક્ષક શ્રી મૌલિકભાઈ પટેલ અને બોયઝ હાઈસ્કૂલના માધ્યમિક વિભાગના શિક્ષક શ્રી કે.સી.ચૌધરીએ કર્યું હતું. સમગ્ર કાર્યક્રમનું આયોજન તેમજ વ્યવસ્થા ધી જ્યુબિલી ઈન્સ્ટિટ્યુશન ટ્રસ્ટ સંચાલિત ચારેય સંસ્થાઓની સંયુક્ત રાહબરી હેઠળ તથા તમામ શાળાના શિક્ષકશ્રીઓ, અન્ય કર્મચારીશ્રીઓ અને સેવકભાઈઓની અલગ અલગ કમિટીઓ થકી શક્ય બન્યું હતું. અંતે ટ્રસ્ટ અને શાળા પરિવાર તરફથી દરેકને સ્વતંત્રતા પર્વની શુભેચ્છાઓ પાઠવવામાં આવી હતી. શ્રી દક્ષેશભાઈ.એમ.પટેલ દ્રારા તેમના માતૃશ્રીની યાદમાં તમામને બુંદીનું પેકેટ તથા ટ્રસ્ટ વતી સૌને ચોકલેટ આપી મોં મીઠું કરાવવામાં આવ્યું હતું.

ફોટોગ્રાફી બોયઝ હાઈસ્કૂલના શ્રી કે.બી.ગાંવિત સાહેબે કરી હતી.