એક પ્રસંગ 108 નો...
રોજની જેમ આજે તારીખ 29.9.22 ના રોજ પ્રથમ રીશેષ પછી શાળાના તમામ વર્ગો, સ્ટાફ રૂમો અને ગ્રાઉન્ડની ચહલપહલ અને સઘળાં સળવળાટ શમી ગયો હતો. સૌ પોત પોતાના કાર્યમાં તલ્લીન થઈ ગયાં હતાં. હું મારા નિત્ય ક્રમ મુજબ હાથ ધોઈને મારું લંચ લેવા ખુરશીમાં બેસીને ટીફીનનું ઢાંકણું ખોલું એ પહેલાં જ એક ચિંતાજનક બૂમ સાંભળી, " કિરીટકાકા, ચાલો...કોક છોકરો મૂતરડીમાં પડ્યો છે અને માથામાંથી લોહી નીકળે છે..." આ બૂમને પગલે કિરીટભાઈ હિતેશની પાછળ દોડીને સીધાં મૂતરડીએ પહોંચ્યા.હું પણ ટીફીન ખોલવાનું રહેવા દઈ લોબીમાં દેખાયેલ જય સરને ઈશારા વડે બોલાવી એ તરફ દોડ્યો... અમે બધાંએ જોયું તો ઉચ્ચતર માધ્યમિક વિભાગનો એટલે કે ધોરણ 11 કે 12 નો એક વિધાર્થી ટોઈલેટ બ્લોકના વચ્ચેના ભાગમાં બેભાન ચત્તાપાટ પડ્યો હતો.એની છાતી ધમણની જેમ ફુલતી હતી અને શ્વાસોશ્વાસ ઝડપી બની ગયો હતો. એનું શરીર થોડું ઉછાળા પણ મારતું હતું. મોંમાથી ફીણ પણ નીકળી ચૂક્યું હતું. હિતેશ, કિરીટભાઈ અને જય એને ઊંચકીને ટોઈલેટ બ્લોકના દરવાજા સુધી લઈ આવ્યા. હું હાંફળો ફાંફળો થઈ સ્ટાફ રૂમમાં હાજર મિત્રોને મદદ માટે બોલાવી લાવ્યો. છ સાત શિક્ષકો ભેગાં મળીને એની સેવા સુશ્ર