ડીજીટલ શિક્ષણની શરૂઆત...
ધી જ્યુબિલી ઈન્સ્ટિટ્યુશન, ઉમરેઠ ખાતે આજરોજ ટ્રસ્ટ તરફથી કુલ 5 જેટલાં સ્માર્ટ ટીવીનો લોકાર્પણ કાર્યક્રમ યોજાઈ ગયો. ટ્રસ્ટ સંચાલિત બોયઝ હાઈસ્કૂલ અને ગર્લ્સ ઈન્સ્ટિટ્યુશનના આચાર્યશ્રીઓએ આ સ્માર્ટ ટીવીના રિમોટ દબાવીને તમામ ટીવી વારાફરતી ચાલુ કરીને વિધાર્થીઓને અર્પણ કરવામાં આવ્યાં હતાં. એ પહેલાં શાળાની વિધાર્થીનિઓ તથા શ્રીમતી ગીતાબેન પરમારના વરદ હસ્તે શુભ ચોઘડિયાંમા કંકુ ચાંદલા અને સ્વસ્તિક દ્વારા ડીજીટલ શિક્ષણ સફળ થાય એ માટે અતિ આધૂનિક ટેકનોલોજી ધરાવતાં આ તમામ ટીવીની વિશ્વનિયંતાની સાક્ષીએ પૂજા અર્ચના કરવામાં આવી હતી. શિક્ષણ રસપ્રદ બને એ માટે વિધાર્થીઓના વિશાળ હિતમાં આ ટીવી ઉપલબ્ધ કરી આપવા બદલ બન્ને આચાર્યશ્રીઓ ટ્રસ્ટી મંડળનો આભાર માન્યો હતો. ઉપસ્થિત શિક્ષકો અને વિધાર્થીઓએ આ અવસરને તાળીઓથી વધાવી લીધો હતો.