ધી જ્યુબિલી ઈન્સ્ટિટ્યુશન, ઉમરેઠ ખાતે આણંદ અને વિધ્યાનગરની ખ્યાતનામ સીવીએમ યુનિવર્સિટી દ્વારા આજરોજ શાળાના હોલમાં હેલ્થ એન્ડ હાઈજીન વિષયક એક સેમિનાર યોજાઈ ગયો. આ સેમિનાર માટે એલસાસ કોલેજના જર્નાલિઝમ અને માસ કોમ્યુનિકેશનના પ્રોફેસર શ્રી રજનીશજી શર્મા અને એસ.જી. હોસ્પિટલ એન્ડ મેટરનિટી હોમના સર્જરી ડીપાર્ટમેન્ટના કન્સલ્ટીંગ સર્જનશ્રી સંજયભાઈ ત્રિવેદી પધાર્યા હતાં. એમણે પાવર પોઇન્ટ પ્રેઝન્ટેશનથી વિધાર્થીઓને હેલ્થ એન્ડ હાઈજીન વિષે સુંદર માર્ગદર્શન પુરુ પાડ્યું હતું.
આજરોજ કોમ્યુનિટી હેલ્થ સેન્ટર, ઉમરેઠ અને શાળાના એન.એસ.એસ વિભાગ દ્વારા શાળાના તમામ વિદ્યાર્થીઓ માટે આરોગ્ય અને સ્વાસ્થ્ય અંગેની પ્રાથમિક જાણકારી આપતું પ્રવચન શાળાની પ્રાર્થના સભા દરમિયાન યોજવામાં આવ્યું હતું. સી એચ સી ઉમરેઠના કાઉન્સિલીર શ્રીમતી રીનલબેન વાઘેલાએ એમની હળવી અને રમૂજભરી શૈલીમાં વિદ્યાથીઓને પોતાનું આરોગ્ય પોતાના હાથમાં છે એમ જણાવી સ્વાસ્થ્યપ્રદ ખોરાક, વ્યસનોને તિલાંજલિ, સારી ટેવો વગેરે પર માર્મિક ટકોર સાથે શિખામણ આપી હતી. શાળાના આચાર્યશ્રીએ એમનું શાબ્દિક અને એન.એસ.એસ.ના વિમેન કન્વીનર શ્રીમતી જયાબેન એમનું પુષ્પ ગુચ્છથી સ્વાગત કર્યું હતું. પ્રોગ્રામ ઓફિસર શ્રી નયનભાઈએ આભારવિધિ કરી હતી.
મારા વહાલાં અને શિક્ષણ રથના સાથી શિક્ષક મિત્રો તથા અન્ય કર્મચારી મિત્રો, ધી જ્યુબિલી ઈન્સ્ટિટ્યુશનની પ્રિન્સીપાલ ડેસ્ક પરથી આપ સૌને નમસ્કાર, સ્વાગતમ્ ...🙏 મિત્રો, તારીખ 1.5.2023 થી શરૂ થયેલું ઉનાળાનું વેકેશન એના અંતિમ ચરણમાં છે.અને એ પૂર્ણ થવાની તૈયારીમાં છે. આપ સૌને આ વેકેશનનો લાભ મળ્યો એ આનંદની વાત હતી. આપ સૌ ઉનાળાની કાળઝાળ ગરમીના આક્રમણથી આપને બચાવી શક્યા.આશા રાખું છું કે બધાં સાજા ભલા હશો અને આપના પરિવારમાં પણ સૌ હેમખેમ હશો. મિત્રો મે માસમાં આવેલાં ધોરણ 10 અને 12 ના પરિણામોથી આપ વાકેફ છો જ. આ પરિણામોએ આપણને સમય - સંજોગો સામે લડવાનો સંદેશા સાથે એક નવું સ્વરૂપ બતાવ્યું છે.આ પ્રત્યે જાગૃત બની જાતને તૈયાર કરવાની છે. નવા શૈક્ષણિક સત્ર નો આ માટે આપણે સહિયારો પ્રયત્ન કરવાનો જ છે. મારે અને બિન શૈક્ષણિક કર્મચારીઓએ તો સરકારી નિયમાનુસાર વેકેશનમાં પણ શાળામાં હાજરી આપવાની હતી. એમાં વળી મારી સૂચનાઓ અને આદેશ માથે ચઢાવીને એકમેકના સહયોગ અને મોટા ભાગના શિક્ષક મિત્રોએ શાળામાં હાજરી આપી હતી. અને એમના સહકારથી અમે પણ ઓફીસના તથા પ્રવેશ જેવાં અન્ય કાર્યો ચાલું રાખી અને આપણી સંસ્થાને મજબૂત સ્થિતિમાં લાવ
Comments
Post a Comment